Oetsjlaag Kowsjiete 2013

24 sep , 2013

Aafgeloupe zunjig woord tiejes de Doodsjtriedkirmis, Bertha VII weer van stal gehaold om heur boodsjap, die zie al jaore veur os deit, te voldoon.

Omsjtreeks 16 oere 30, terwiel Ajax al mit 1-0 achter sjting en de Kirmis in volle gang waor, heil Bertha ’t neet meer en lag heur flat neer op ein sjoon sjtökske wei.

Nao veul maete en passe keem dan nao veure dat Laotnummer: 2435 dit jaor es gelökkig sjtökske veldeigenaar te boek kump te sjtaon en de sjoone hoofpries van €250,- maag komme ophaole biej ozze Sjatkisbewaarder.

Jederein harsjtikke bedank veur ut koupe van de laote, dankzij uch zeen veer in de muigelijkheid om get bie te draage aan de Lömmerichse vasteloavend.

kowsjiete