Auwt Prinsegarde Lömmerich
Driej & Ein is doorgedronge tot de hauve finaal van CMC Alaif.
Gein Lömmerichse invasie
Boete ein hauf Lömmerichse afvaardiging bij ’t duo Mae & Nienke, waat doorgedronge zeen tot de finale van ’t TVK (Tiener Vastelaovend Konkour), waar de spuiling qua Lömmerichse deilnames aan de jaorliks truuk kerende leedjeskonkouren dun gezeejd. De aafgeloupe jaore waare v’r dan ouch verwènd mit veul Lömmerichse finaliste en wènnaars.
CMC Alaif
CMC Alaif besteit al sinds 2012 en is ’t op ein nao grootste leedjeskonkour van Limburg, woo de finaliste strieje in 3 kategorieje:
- CMC Alaif trofee (originele vastelaovesleedjes)
- CMC Alaif cover trofee (Vastelaoves covers)
- CMC Alaif clip trofee (Beste leuke vastelaovesclip)
De slogan van CMC Alaif is dan ouch: “Sjprèngplank nao de grote podia’s”
Driej & Ein
Driej & Ein haw de hauf finaal van ’t grootste leedjeskonkour (LVK) helaas neet gehaold, mer hiej zeen de kansen nog vollop aanwezig. Mit ’t leedje: “Euveral is waal ens get“, nump Driej & Ein deil. Mit nog 29 anger hauf finaliste (totaal 30) heurt Driej & Ein op 17 jannewari of ze de finale van dit leedjeskonkour waal gehaold höbbe en op 24 jannewari mit de bös nao Sevenum kenne aafreize. V’r wunsje ze in jeder geval heel veul succes.
Door
Comments RSS Feed