Auwt Prinsegarde Lömmerich

Aafgeloupe zaoterdig is, tiejes de oetveuring van de 7e edisie van “Herberg d’n Doal”, Rudi Hendriks oetgeroupe tot Prins Rudi d’n Eesjte. Rudi zal same mit zien Jeugprinsepaar Thuur I en Britt I de kommende Vastelaovend veurop gaon en gaon heerse euver ‘t Doaleriek. Laes wiejer veur meer informasie euver de nuuje Prins!
Rudi is eine zoon van Herman en Truus Hendriks en al jaore ein van de kandidate veur ‘t Prinssjap (volges ozze poll dit jaor de torehoge favoriet!). Dit jaor kump, zowie d’r zellef zaet, eine druim oet en moug d’r de scepter zwjejje euver ‘t Doaleriek.

Rudi is tamboermaeter van sjötterie Sint Salvius en sjpeler van V.V. Zwentibold 5. Daonaeve is d’r lid van Bees en wirkzaam bie Maosse in Ech.

Rudi is de opvolger van Sven I, dae door ein ludieke “Cascadeurs”-ek woort opgenomme bènne de Auwt Prinsegarde Lömmerich. Veer heite Sven dan auch van harte welkom en wunsje haöm vaöl plezaer bènne de APL!

Prins Rudi I, veer wunsje dich en dien vriendin Claudia ein sjitterend sezoen en heel vaöl sjpas en plezaer!

Proficiat!

De resespsie van Prins Rudi, Jeugprins Thuur en Jeugprinses Britt vindjt aansjtaonde zaoterdig plaats in gemeinsjapshoes “‘t Waope” in Lömmerich (18 oere 33).

Nuujts

Door davyschrijen
Prins V.V. De Doale 2013. Auwt Prins sins 2014.

---

---