Auwt Prinsegarde Lömmerich

t&m: Willem Gerritsen

Refrein

Veer gaon neit wèntjersporte in Tirol of Zjwitserlandj
Veur ós gein aprae-ski
Mit vastelaovend ligke veer neit aan 't Sjpaanse sjtrandj
Veer blieve lever hie
Normaal höbbe veer taege ein vakansie gein besjwaor
Maar neit mit de vastelaovend want dat is mer èns per jaor
Veur ós gein aprae-ski, veer blieve lever hie
Veur ós gein aprae-ski, veer blieve lever hie

1e keplèt
Huub en Mien hawwe zich ein wèntjersjport gebouk
Last-minnèt nao Tirol, waat ein gelök
Huub zag: ich haol nog gaw get sigrètte óm d'n houk
Maak dich mer gein zörg, ich bèn zo trök
Mer wie de bös nao Oosteriek allang vertrokke waor
Sjtóng Huubke in de kroeg op eine sjtoul
En zóng oet volle bors mit de kónfetti in zien haor
Ich höb de vas-te-lao-vend en die aw zit in Tirol…
De res veil ‘m bie, veer blieve lever hie

2e keplèt
hae tróf ein sjoon verkleide Prima Donna aan de bar
miljaar waat haw de jóng toch waer gelök
zien hertje góng tekeer, hae raakde danig in de war
en dach: "die aw" die zuut mich nootsj meer trök
óm twellef góng 't maske aaf, want Donna haw 't werm
veil Huub van sjrik sjpóntaan van ziene sjtoul
dao sjtóng ‘r neit mit Donna, mer mit Mientje aan d'n erm
"die aw" waor hie… en zout neit in Tirol……
doe zóng die gekke prie, veer blieve lever hie

Door Awt Prins Pascal I '97

---