Auwt Prinsegarde Lömmerich

In memoriam

Jus beriekde ós ’t trieste nuujts dat Awt Prins Tom I (Tom Margaroli) ós gistere (22/12) is óntvalle.

Tom, bekènd van zien auto-graasj oppe Bornerwaeg, is in de Lömmerichse vastelaovend van 1973 veurop gegange es Prins Tom 1e. In dat jaor woort hae door de laezers van ’t Limburgs daagblaad oetgeroupe tot “Prins van ’t Jaor”.

Tom waor in 1977 ein van de oprichters van de Auwt Prinsegarde Lömmerich. Nao zien verhoezing nao Vinkeveen is hae boetegeweun lid van de Auwt Prinse gewore, en is dat tot aan zien euverlieje gebleve. Ein teike dat Lömmerich häöm nog ummer ein bietje aan ’t hart góng. Veer wunsje zien femilie väöl sjterkte biej ’t verwirke van dit groot verleis.

Besjtuur, leje en commandeurs van de Auwt Prinsegarde Lömmerich

awt prins tom i, tom margaroli

Door Awt Prins Pascal I '97

---

---