Auwt Prinsegarde Lömmerich

Gister bereikte os ’t druivige berich dat os lid Auwt Prins Pierre I (Salden) in zörgcentrum Aldenhof is euverleeje.

Pierre waor in 1974 Prins van V.V. De Doale en in 1977 ein van de oprichters van de Auwt Prinsegarde Lömmerich. Woonachtig waor Pierre de lètste jaore in Bor in zörgcentrum Aldenhof, wo ein aantal Auwt Prinse haöm daags veur de Vastelaovend sjteevas bezoch. Pierre zaot dan greutsj mit ziene Auwt Prinsesjteek bie os aan taofel leidjes te zènge en sjaele kal te verkoupe. Dit zulle veer ontzettend gaon misse.

Auwt Prins Pierre I zal donderdig in sjtilte waere gecremeerd.

Veer wunsje zien vrouw Til en femilie heel vaöl sjterkte en krach mit dit grote verleis.

Besjtuur en leeje Auwt Prinsegarde Lömmerich

Nuujts

Door davyschrijen
Prins V.V. De Doale 2013. Auwt Prins sins 2014.

---

---