ALAPS 2018!

2 jun , 2018

Nog ein paar waeke en dan is ’t waer zowiet… ALAPS 2018, oftewaal de “Auwt Lömmerichse Auwt Prinse Sjpele”! Laes gauw wiejer veur meer informasie.

Op zunjig 24 juni vindtj alwaer de 4e edisie van ALAPS plaats op Sjportpark Lömmerich. Dit jaor vindjt ALAPS plaats op dezelfde lokasie es veurig jaor, op de Sjöttewei van Sjötterie Sint Salvius (bie de kogelvangers, aan de achterzijde van ’t hoofterrein van de voetbalklup). D’r kènt waer ingesjreve waere veur dezellefde ongerdeile es veurige jaore ( Eiersjmiete, Kratsjtapele en Langsaam Fitse). ’t Ongerdeil Langsaam Fitse höbbe v’r dit jaor gereserveerd veur kènjer tot 14 jaor. Höbse dus zin om ein eike te gooie, ein kretje te sjtapele of op dien dooie gemaak te fitse? Bèn d’r dan bie op zunjig 24 juni vanaaf 14 oer!

Hauwt deze sait of ozze facebookpagina in de gate veur meer informasie!
Facebook Auwt Prinsegarde Lömmerich