Auwt Prinsegarde Lömmerich

Nao 2 jaor van oetsjtèl is ‘t volgende maondj eindelik zowiet: os 4×11-jaorig Jubeleumfees!

Op zaoterdig 26 november trappe v’r ‘t feesweekend aaf mit eine Jubeleum-Buuteaovend. Mit de kraem de la kraem van de Limburgse en Braobantjse buutereedners/Tonpraoters wurt d’r deze aovend waer auwerwèts gelache. Daonaeve zal DJ Jacky de aovend/afterparty mit muzikale klanke ongersjteune. De aovend begint om 19:00 oer en de plaats van besjtömming is Kesjteel Lömmerich. Kaarte (11 euro excl. 1 euro servicekoste) zeen te koup via deze Knòp

Zou om welke reeje dan ouch de baovenstaonde knop neet wirke, dan kent g’r ouch de kaarte hiej bestelle.

De daag d’r nao vindjt op zunjig 27 november de Jubeleumresepsie plaats. Vanaaf 13:33 oer kènne de felisitasies waere euvergebrach en aansjloetend zal de feesbend “De Badmötse” nog zörge veur eine gezellige feesmiddig/aovend. Auch de resepsie en de feesmiddig/aovend zulle plaats vènje op Kesjteel Lömmerich.

Nuujts

Door davyschrijen
Prins V.V. De Doale 2013. Auwt Prins sins 2014.

---

---