Auwt Prinsegarde Lömmerich

Vemiddig is in de Doale Tempel Bart Wolters oetgeroope es Jeugprins Bart d’n 3e.

Bart is eine telg van Awt Prins Peter II (Vors Peter van de Doale) en Nicole. Saame mit ziene broor Jelle woont hae in ’t frisje Prinselik Palies aan de Pagestraot.

Oetruiping

In ein good gevölde Doale Tempel woord eesj Jeugprins Marco I opgenomme biej de Awt Jeugprinse, nao ein wervelende ‘Gangam Style’ act. Doanoa waar ’t dan tied veur de apateoze van deeze middig. Jeugprins Bart III knalde oet de geluidsinstallatie es nuuje heerser euver de jeug van ’t Doaleriek.

Resepsie

Jeugprins Bart III is eine zoon van Awt Prins Peter II en ein naefke van Awt Prins Marcel III. Hae zal same mit de nog oet te roope nuuje heerser euver ’t Doaleriek resepsie hawte op 19 jannewari 2013 in Kesjteel Lömmerich.

Naames de Auwt Prinse Garde Lömmerich wunsje veer Bart, Jelle en de Pap en de Mam ein geweldig sjoon sezoen toe!

Door Awt Prins Pascal I '97

---